Treguesit e rreziqeve për pluralizmin mediatik

Pse?

Nuk ka të dhëna të disponueshme për audiencën për televizion, radio dhe online, kështu që rreziku i përqendrimit të audiencës së mediave në Kosovë është i lartë. Nuk ka asnjë agjenci që ofron të dhëna publike për matjet e audiencës mediatike në Kosovë. Matjet e vetme bëhen përmes anketave të opinionit publik.

Pse?

Tregu i Kosovës, në mungesë të të dhënave financiare dhe të dhënave të vijueshmërisë, nuk mund të matet në koncentrimin e kapitalit. Mediat nuk janë përgjigjur ne pyetje e MOM rreth të hyrave, të hyrave nga reklamat dhe fitimet e tyre. Në bazë të ligjit, Administrata Tatimore e Kosovës nuk ofron të dhëna për qarkullimin financiar të bizneseve, duke përfshirë mediat. Edhe Ministria e Financave nuk ka ofruar pasqyrat financiare të mediave. Komisioni i Pavarur për Media nuk i publikon të dhënat financaire të mediave. Në mungesë të të dhënave të tjera është e pamundur të nxirret koncentrimi horizontal. 

Televizioni: Nuk ka të dhëna

Në Kosovë nuk ka të dhëna të publikuara rreth të tregut të reklamave në televizionet e vendit dhe as të dhëna për vijueshmërinë (shikueshmërinë). Në bazë të ligjit, Administrata Tatimore e Kosovës nuk ofron të dhëna për qarkullimin financiar të bizneseve, duke përfshirë mediat. Edhe Ministria e Financave nuk ka ofruar pasqyrat financiare të mediave. MOM arriti të marrë të dhënat financiare vetëm për tri televizionet RTK, Klan Kosova, RTV 21. Në mungesë të të dhënave të tjera është e pamundur të nxirret koncentrimi. 

Radio: Nuk ka të dhëna

MOM nuk ishte në gjendje ta kalkulojë ndarjen e tregut të kompanive të radiove sepse nuk ka të dhëna. Radio stations nuk jane përgjigjur rreth të hyrave, të hyrave nga reklamat dhe fitimet. Nuk ka të dhëna për dëgjueshmërin e radiove. 

MOM ka arritur të sigurojë të dhëna financiare vetëm për RTK, KLAN Kosova dhe RTV21, mirëpo nuk janë të specifikuara vetëm shpenzimet e radiove. 

Shtypi: Nuk ka shtyp 

Mediat Online: Nuk ka të dhëna

MOM nuk ka qenë në gjendje të sigurojë të dhëna për klikueshmërinë e mediave online dhe as të hyrat e tyre apo tregun e reklamave. MOM ka arritur të sigurojë të dhëna vetëm për KALLXO.com, RTV 21 dhe Klan Kosova.

 Pse?

Republika e Kosovës nuk ka legjislacion që përcakton kriteret objektive për të parandaluar përqendrimin mediatik. KPM, si organ rregullator si dhe ligji që rregullon KPM-në, nuk përmbajnë kritere apo kufizime për të identifikuar apo parandaluar përqendrimin e mediave.

I vetmi mekanizëm për rregullimin e konkurrencës është Autoriteti i Konkurrencës, misioni i të cilit është të mbajë aktivitete që synojnë krijimin e kushteve që tregjet të ofrojnë më shumë përfitim për konsumatorët, bizneset dhe shoqërinë në tërësi, duke mbrojtur konkurrencën në treg dhe nxitur. një konkurrencë të shëndetshme në Kosovë. Megjithatë, Autoriteti i Konkurrencës nuk mund të trajtojë në mënyrë specifike çështjen e pronësisë së medias, për shkak të mungesës së rregullores.

Aktualisht, Kosova është në proces të miratimit të legjislacionit të ri për Komisionin e Pavarur të Mediave, i cili parasheh çështjen e përqendrimit të mediave, ndërsa KPM-ja e ka vënë në konsultim publik Projekt Rregulloren për përqendrimin e mediave.

Situata është e njëjtë me radion, median e shkruar dhe internetin.

Pikët për masat mbrojtëse rregullatore:

3 nga 20 – Rrezik i Lartë (15%).

1 = Rregulla specifike për median/ autoritetin

0.5= Rregulla të lidhura me konkurrencën/autoritetin

Pse?

Në Kosovë nuk ka të dhëna që mundësojnë që të caktohet se cilët janë 8 pronarët kryesorë të mediave pasi nuk dihet qarkullimi financiar i të gjitha mediave dhe nuk ka matje të shikueshmërisë. Përveç kësaj, nuk ka të dhëna për shikueshmërinë e televizioneve, dëgjueshmërinë e radiove dhe as numrin e klikimeve që kanë mediat online. Të vetmet të dhëna që janë të qasshme janë ‘Likes’ që mediat kanë në rrjetet sociale apo ‘interactions’, por ato të dhëna nuk tregojnë fuqinë dhe ndikimin e një media. Prandaj, përqendrimi ndërsektorial i pronësisë së medias është vlerësuar me Rrezik të lartë.

Republika e Kosovës nuk ka legjislacion që përcakton kriteret objektive për parandalimin e përqendrimit ndër media. Komisioni i Pavarur për Media, KPM, si organ rregullator, si dhe ligji që rregullon KPM-në, nuk përmbajnë kritere apo kufizime për identifikimi nose parandalimin e përqendrimit ndërmedial.

I vetmi autoritet përgjegjës për rregullimin e përqendrimit është Autoriteti i Konkurrencës, misioni i të cilit është të krijojë kushte për tregjet që përfitojnë konsumatorët, bizneset dhe shoqëria në tërësi. Ai synon mbrojtjen e konkurrencës në treg dhe promovimin e konkurrencës së shëndetshme në Kosovë. Megjithatë, Autoriteti i Konkurrencës nuk mund të trajtojë në mënyrë specifike çështjen e pronësisë ndërmjet mediave për shkak të mungesës së rregullores.

Kosova aktualisht është duke miratuar legjislacionin e ri për Komisionin e Pavarur të Mediave, i cili parasheh adresimin e çështjes së përqendrimit të mediave, ndërsa KPM-ja ka vënë në dispozicion për konsultime publike Projekt-Rregulloren për Përqendrimin e Mediave. Kjo situatë vlen edhe për radion, median e shkruar dhe internetin.

Pikë: 2 nga 8 - Rreziku i lartë (Rregullorja: 20%)

Pse?

Pronësia e mediave është e publikuar në Agjencinë për Regjistrimin e Binzeseve dhe e njëjta është lëhtësisht e qasshme. ueb-faqja e ARBK të mundëson që kërkon biznese duke e shkruar emrin e biznesit, numrin e biznesit apo ID e pronarit. Ndërsa, kërkimi i bizneseve që janë në pronësi të një personi mund të gjendet lehtësisht edhe në ueb-faqen biznesetehapura.com, prodhim i OJQ “Open Data Kosovo”, duke kërkuar vetëm përmes emrin të pronarit. ARBK-ja i ka dhënë qasje MOM në gjitha dosjet e bizneseve që operojnë në tregun medial, në të cilat mund të shihet historia e ndërrim të pronarëve si dhe dokumentet e dorëzuara nga mediat si dëshmi për ndërrim të pronësisë. Përvec kësaj, në ueb-faqen e KPM mund të gjendet lista e mediave (radio dhe TV) që janë të licencuara nga ky inistitucion. KPM-ja poashtu është përgjigjur në pyetjet e derguara nga MOM duke treguar se kush është pronar i një biznesi që ka aplikuar për licencë apo që e ka në posedim një licencë të lëshuar nga KPM-ja. Megjithatë, të dhënat financiare të bizneseve që operojnë në tregun medial nuk janë publike. ATK dhe ministria e FInancave nuk janë përgjigjur në pyetjet e MOM rreth pasqyrave financiare të mediave. Të dhënat janë publike për disa media: RTK, RTV21, Klan Kosovën dhe Kallxo.com.

Transparenca aktive do të thotë që kompania/kanali informon në mënyrë proaktive dhe gjithëpërfshirëse për pronësinë e saj, të dhënat përditësohen vazhdimisht dhe ato janë lehtësisht të verifikueshme.

Në mostrën e rishikuar prej 104 subjektesh (44 organe mediatike, 35 kompani dhe 25 pronarë), asnjë nuk u rendit si Aktive Transparente.

Transparenca pasive do të thotë që, sipas kërkesës, të dhënat e pronësisë janë lehtësisht të disponueshme nga kompania/nga një kanal.

Në kategorinë e Transparencës Pasive, 13 media, duke përfshirë 4 stacione televizive, 4 stacione radio, dhe 5 media online, rezultuan se ishin Transparente Pasive. Për më tepër, 13 kompani dhe 7 pronarë u renditën gjithashtu me Transparencë Pasive, duke përbërë 31.73% të të gjithë mostrës.

Të dhënat e disponueshme publikisht do të thotë se të dhënat e pronësisë janë lehtësisht të disponueshme nga burime të tjera, p.sh. regjistrat publikë etj. 

Për kategorinë e të dhënave të disponueshme publikisht u identifikuan një numër më i konsiderueshëm subjektesh. Kjo përfshinte 31 media me 8 stacione televizive, 11 stacione radio dhe 12 media online. Krahas tyre, 22 kompani dhe 18 pronarë u kategorizuan se të dhënat e tyre janë të disponueshme publikisht. Në përgjithësi, kjo përfaqëson 68.27% të mostrës totale prej 104 subjektesh, duke përfshirë mediat, kompanitë dhe pronarët.

Pse?

Sipas Ligjit për Komisionin e Pavarur të Mediave dhe Rregullores së Komisionit të Pavarur për Media, mediat e Kosovës janë të obliguara t'i paraqesin KPM-së të dhënat e tyre lidhur me pronësinë dhe ndryshimet në pronësi kur ky ndryshim prek 10% ose më shumë aksione. Po ashtu, mediat (televizionet dhe radiot) janë të obliguara që raportet e tyre financiare t'ia dorëzojnë Komisionit të Pavarur për Media, ndërsa këto raporte i dorëzohen edhe Administratës Tatimore të Kosovës apo Departamentit për Organizata Joqeveritare, ndërsa nuk ka obligim të qartë për mediat të publikojnë informacionin e pronësisë së tyre në faqet e tyre të internetit.

Po kështu, Komisioni i Pavarur për Media ka edhe një regjistër mediatik i cili pasqyron disa aspekte të tjera bazë të strukturave të pronësisë së medias.

Gjithashtu, të dhënat lidhur me pronësinë e mediave që funksionojnë si biznese mund të gjenden edhe në Agjencinë për Regjistrimin e Bizneseve (ARBK).

Mbrojtja Rregullatore, Pikët: 3 nga 5 - Rreziku Mesatar (60%)

Pse?

Numri i mediave në Kosovë është në rritje të vazhdueshme, pavarësisht se ka një treg prej vetëm 1.7 milion banorësh. Një pjesë e mediave u krijua gjatë viteve të 90-ta, kur Kosova ishte nën regjimin e Sllobodan Millosheviqit. Mirëpo, në vitin 1999, pas përfundimit të luftës, për shkak të infrastrukturës së dëmtuar, u desh të fillonin nga e para. Tre televizionet me frekuenca kombëtare, RTK, KTV dhe RTV21 janë themeluar falë donacioneve të organizatave ndërkombëtare të pranishme edhe në Kosovë. Në 23 vitet e fundit që nga paslufta, ka pasur raste kur në politikë kanë hyrë pronarë apo gazetarë mediash. Ka shumë shembuj kur gazetarë, redaktorë dhe pronarë mediash u bënë pjesë e politikës, këshilltarë të ministrave, kryeministrave apo presidentëve.

RTK – Bordi i Radio Televizionit të Kosovës zgjidhet nga Kuvendi i Republikës së Kosovës. Deputetët e Kuvendit të Kosovës, brenda një komisioni ad-hoc, intervistojnë kandidatët për Bordin e RTK-së, të cilët më pas votohen nga deputetët në seancë të Kuvendit për t'u besuar rolin e anëtarëve të Bordit të RTK-së. Ky i fundit zgjidhet nga shumica e anëtarëve të Kuvendit. Ndër kompetencat e tyre është edhe përzgjedhja e menaxhmentit të lartë të RTK-së, përfshirë Drejtorin e Përgjithshëm të RTK-së dhe drejtorët e të gjitha kanaleve. Bordi i RTK-së i raporton Komisionit Parlamentar për Buxhet dhe Financa në baza tre mujore. Aktualisht, RTK-ja varet nga Qeveria dhe Kuvendi, për shkak se buxheti i tyre ndahet nga buxheti i Republikës së Kosovës.

Ligji për Komisionin e Pavarur të Mediave përcakton disa kritere që kufizojnë kualifikimin për t'u pajisur me licencë.

Paragrafi 3 i nenit 22 të Ligjit për KPP-në përcakton se: Licenca e transmetimit nuk është lëshuar ose nuk do të vazhdojë të lëshohet për:

3.1. parti politike, bashkësi fetare, grup ose organizatë e cila drejtohet nga një individ që mban një post të zgjedhur ose është anëtar i një organi ekzekutiv të një partie politike

Për më tepër, Rregullorja e KPM-së 2021/01 për Ofruesit e Shërbimeve Mediale dhe Audiovizive parashikon arsyet e diskualifikimit për licencë sipas nenit 20.

Neni 20 - Arsyet e diskualifikimit për marrjen e licencës

1. Licenca e transmetimit nuk do të lëshohet ose nuk do të vazhdojë të lëshohet për:

1.1 Partia politike, bashkësia fetare, grupi ose organizata e cila drejtohet nga individi i cili mban pozitë të zgjedhur ose është anëtar i organit ekzekutiv të një partie politike,

1.2 Personi juridik i cili drejtohet nga një individ, i cili është dënuar në një proces në përputhje me standardet ndërkombëtare, për krime që përfshijnë dhunë ose mashtrim, për të cilat ai ose ajo nuk është falur ligjërisht.

2. Subjektet qeveritare, duke përfshirë agjencitë qeveritare, ndërmarrjet ose subjektet e tjera në të cilat qeveria ka ndikim mbi kontrollin e tyre.

2.1 OJQ-të ose shoqëritë private që kanë individë në pozicione drejtuese të strukturës organizative, të cilët janë zgjedhur ose emëruar në poste të larta në qeveri ose në ndonjë subjekt politik, me përjashtim të rasteve kur këta persona japin dorëheqjen zyrtarisht nga OJQ-ja ose shoqëria private.

2.2 Shoqëria private në të cilën pronësia e një pjese ose e shumicës së aksioneve i përket një personi të zgjedhur ose të emëruar në një pozicion të lartë qeveritar ose ndonjë subjekti politik.

3. Aplikantët për licencë ose të licencuar, të cilët në pozicionet drejtuese të strukturës organizative kanë individë të zgjedhur ose emëruar në pozita të larta në qeveri ose në ndonjë subjekt politik: Dispozitat e paragrafit 10 do të zbatohen në mënyrë të barabartë për të gjithë individët që janë të zgjedhur ose të emëruar në një pozicion drejtues brenda një subjekti politik. I njëjti nuk mund të mbajë poste drejtuese në strukturën organizative të aplikantit për licencë.

Rezultati: 2.37 Rrezik i lartë

Pse?

9.1 Rrjetet e shpërndarjes së shtypit – Nuk aplikohet për tregun e Kosovës pasi që nuk ka media të shkruar.

9.2 Rrjetet e shpërndarjes së radios – KPM-ja licencon radiostacionet në Kosovë. Radiostacionet kanë frekuencë në nivel lokal, rajonal ose kombëtar. Nuk ka kontroll politik në stacionet e radios, për shkak se mediumi nuk është ndër mediat më me ndikim.

9.3 Rrjetet e shpërndarjes televizive – Ekzistojnë vetëm tri media të frekuencave të nivelit kombëtar, RTK, KTV dhe RTV 21. Atyre iu dhanë frekuencat e tyre kombëtare në vitin 2000. Që atëherë, asnjë licencë e re për frekuenca kombëtare nuk është lëshuar dhe as është hequr. Ka pasur tentativa për ritenderim të këtyre tri licencave, por asnjëherë nuk kanë marrë mbështetjen e nevojshme nga institucionet përkatëse për ta bërë këtë.

9.4 Rrjetet kryesore të shpërndarjes së internetit në Kosovë janë IPKO, Telekomi i Kosovës (KT), Art Motion, Kujtesa, Telkos dhe MTS (degë e Srbija Telekom). Nuk është vërejtur apo regjistruar asnjë sjellje diskriminuese.

9.5 Tregu i reklamave në Kosovë është i shpërndarë. Pjesa më e madhe e reklamave kontraktohet drejtpërdrejt përmes bizneseve/kompanive reklamuese, duke shmangur kështu agjencitë e marketingut/reklamimit. Nuk ka indikacione se kompanitë reklamuese diskriminojnë mediat e pavarura, prandaj vlerësimi është me rrezik të ulët.

9.6 Nuk ka asnjë agjenci apo mekanizëm që mat audiencën. Pra, vlerësimi është me rrezik të lartë.

Pikë: 7/5 = 1.4  Rrezik i Ulët

Pse?

Në vitin 2023 nuk janë ndarë mjete nga Qeveria për mediat private në Kosovë. Qeveria aktuale ishte zotuar se do të ndalonte ndarjen e mjeteve për reklamim në media, dhe me ardhjen në pushtet i ndërpreu të gjitha kontratat reklamuese ndërmjet Qeverisë dhe mediave nga njëra anë dhe ndërmarrjeve publike dhe mediave në anën tjetër.

Kosova ka Shërbimin e Transmetimit Publik, RTK, dhe të vetmet mjete publike të investuara në një media shkojnë për të. Mjetet e ndara për televizionin publik kanalizohen përmes Kuvendit të Kosovës. Kjo formë e financimit është kritikuar gjerësisht si formë e ndikimit politik në RTK. Zakonisht, Kuvendi i Kosovës ndante buxhetin e kërkuar nga RTK-ja, por shumat e ndara zakonisht janë më të vogla se ato të kërkuara nga RTK-ja.

Në korrik 2023, Qeveria ndau një fond të vogël prej 50,000 eurosh për komunitetet joshumicë. Fondet u shpërndanë përmes një thirrje të hapur për të gjithë të interesuarit, ndërkohë që procesi i aplikimit ishte transparent.

Qeveria njoftoi se fondet janë shpërndarë në median “SH.I.M. Kosovahaber” nga komuniteti turk me 6,500 euro; “Connection Media” nga komuniteti rom me 5,500 euro; “Gazeta Scanner” nga komuniteti egjiptian me 7,800 euro; media “Prosperiteti” nga komuniteti ashkali me 7,500 euro, “Dardana Press” nga komuniteti rom 4,500 euro, “Radio Televizija Mir” nga komuniteti serb me 6,500 euro dhe “RTV Plus” nga komuniteti serb me 6,000 euro.

Pikë:1.14 Rrezik i ulët

Pse?

Detyrimet e kompanive që ofrojnë qasje në Shërbimin e Internetit në lidhje me rregullat e neutralitetit të rrjetit janë të specifikuara në Rregulloren e miratuar nga Autoriteti Rregullativ i Komunikimeve Elektronike dhe Postare (ARKEP): Rregullorja nr. 37 për Autorizimet e Përgjithshme dhe Rregullorja nr. 38 për kontratat, transparencën dhe publikimin e informacionit dhe masa të tjera mbrojtëse për përdoruesit fundorë për ofrimin e rrjeteve dhe shërbimeve të komunikimeve elektronike.

Ofruesit e Shërbimeve të Internetit (ISP) kur ofrojnë shërbime duhet të trajtojnë të gjitha llojet e trafikut në mënyrë të barabartë, mbi baza jodiskriminuese, pa kufizime ose ndërhyrje, dhe pavarësisht nga dërguesi dhe marrësi, përmbajtja e qasur ose e shpërndarë, aplikacionet ose shërbimet e ofruara ose të shpërndara ose pajisjet terminale të përdorura.

Legjislacioni aktual nuk rregullon "vlerësimin zero". Në vitin 2017, gjatë konsultimeve publike me aktorë të ndryshëm, ARKEP propozoi rregullimin e "vlerësimit zero", megjithatë, pasi morën komente nga operatorët dhe duke marrë parasysh faktin se "vlerësimi zero" nuk ishte aplikuar nga operatorët, ata vendosën për të mos e rregulluar këtë çështje.

Bazuar në Rregulloren aktuale për Komunikimet Elektronike, çështja e rregullimit të përmbajtjes, duke përfshirë faqet e internetit, është jashtë fushës së përgjegjësive të ARKEP.

Megjithatë, në raste të veçanta, në zbatim të vendimeve të nxjerra nga institucione të ndryshme si p.sh. Vendimi i Qeverisë së Republikës së Kosovës për vendosjen e sanksioneve ndaj Federatës Ruse, ku njëra prej kërkesave ishte mbyllja e disa faqeve të internetit të televizioneve ruse, në këtë rast, në përputhje me mendimin e Organit të Rregullatorëve Evropianë për Komunikime Elektronike (BEREC), ARKEP udhëzoi ofruesit e shërbimeve të aksesit në internet që të ndërmarrin të gjitha veprimet e nevojshme për zbatimin e vendimeve - Link: www.arkep-rks.org/NewsDetails/7/261

Rezultati: 1 nga 11 = Rrezik i lartë (9%)

Pse?

Sipas një sondazhi të kryer nga Peaceful Change Initiative në Kosovë, ka dy herë më shumë gra gazetare sesa redaktore, ndërsa pozita e kryeredaktoreve përfaqëson një përqindje shumë të ulët të grave. Ende është e vështirë të konkludohet nëse gratë ende përballen me mundësi të pakta në vendet e punës në media, pa pasur të dhëna statistikore për pozicionet kryesore editoriale në redaksi që tregojnë nëse ka ndonjë pabarazi në pozicionet drejtuese.

Një raport i Asociacionit të Gazetarëve të Kosovës (AGK) konfirmon se nuk ka të dhëna statistikore për pozitat udhëheqëse editoriale në redaksi, por se gratë gazetare kanë më shumë gjasa të mbajnë poste editoriale në redaksi, veçanërisht në mediat kryesore, ndërsa gazetarët burra janë më shumë përgjegjës për sektorin menaxherial. Asnjë nga 265 gratë e anketuara nuk kishin pozitë menaxheriale.

Përfaqësimi i ulët i grave në debatet në kanalet televizive të lajmeve ka qenë një çështje e rëndësishme që është ngritur dhe theksuar shpesh nga komuniteti i gazetarëve në Kosovë. Por mungesa e grave nga ekrani është në kontrast total me prezencën vizuale gjatë lajmeve televizive, ku gratë përfaqësojnë shumicën e gazetareve në terren.

BIRN u angazhua në monitorimin e katër transmetuesve kryesorë televizivë në Kosovë gjatë një periudhe dyjavore, 15-31 janar 2023. Gjatë monitorimit, BIRN numëroi gjithsej 100 të ftuar burra në emisionet politike dhe vetëm nëntë gra. Burrat, zakonisht të përfshirë në politikë ose shoqëri civile, dominonin diskutimet rreth politikës, sigurisë dhe ekonomisë. Toni ishte shpesh luftarak në mesin e panelistëve.

Nëntë gratë u ftuan të flisnin për dhunën në familje dhe politikën e jashtme.

Monitorimi i BIRN-it tregoi gjithashtu se në rrjetet sociale, komentet negative drejt të ftuarave gra shpesh nuk kishin lidhje me temën e diskutimit, ndërsa komentet në lidhje me të ftuarit meshkuj ishin pa ndryshim të lidhura me çështjen në fjalë.

Në të njëjtën kohë, Indeksi i Sigurisë së Gazetarëve 2022 i Asociacionit të Gazetarëve të Kosovës ka treguar se në krahasim me vitin 2021, kur në AGK janë raportuar tre raste të sulmeve, kërcënimeve dhe ngacmimeve ndaj grave gazetare, gjatë vitit 2022 numri i tyre është dyfishuar. Në vitin 2022, përveç 6 rasteve të sulmeve, kërcënimeve dhe ngacmimeve ndaj grave gazetare, ka 15 raste të sulmeve, nga të cilat një grup përfshin gra gazetare. I njëjti raport vuri në dukje se në përgjithësi, kushtet e punës të grave gazetare në redaksi nuk janë të ndryshme nga ato të homologëve të tyre burra. Po ashtu theksohet se edhe pse nuk ka të dhëna zyrtare se sa gra dhe burra kanë nënshkruar kontrata pune, sipas disa vlerësimeve, në redaksi ka më shumë gra gazetare. Për më tepër, sipas bazës së të dhënave të AGK-së, e cila përbëhet nga 900 gazetarë, redaktorë, kameramanë dhe fotoreporterë, ka mbi 550 gazetarë dhe redaktorë, prej të cilëve,  mbi 300 janë gra.

Nga mediat në mostrën e MOM në Kosovë, 8 janë në pronësi të grave, ose kanë aksionere gra, ndërsa 33 janë në pronësi të burrave.

Rezultati: 2.62 Rrezik i Lartë